15. Sebastiane Saria – Hautagaiak

Aurten, Sebastiane sariak 15 urte beteko ditu, Donostia Zinemaldiaren barruan, LGTBI pertsonen errealitate, askatasun eta gizarte-aurrerapenak ondoen islatzen dituzten ekoizpenak saritzeko ahalegina egiten.

Kolektibo hau eta bere berezitasunak urtetan ezkutuan eduki dira, bai gizartean bai zineman. Gaur egun, hainbat sari, besteak beste Sebastiane, zinema-jaialdi garrantzitsuenetan LGTBI munduak ikusgai egiten dituzten pelikuletan arreta jarrarazten saiatzen dira. Ekoizpen horien artean, kalitate zinematografikoa urtez urte handitzen ari da.

Sebastiane sariarekin batera, 2. Sebastiane Latinoa saria emango da. Donostia Zinemaldiaren Latinoamerikako zinema babesteko ildoari jarraituz, sari honek urteko LGTBI pelikula latino onena aukeratzeko asmoa dauka. Karim Aïnouz brasildarraren Praia do Futuro filmak irailaren 20an jasoko du eta Horizontes Latinosen ikusi ahal izango da.

XV. Sebastiane saria jasotzeko pelikula hautagaien artean, bai errealizadore entzutetsuak bai errealizadore berriak topatuko ditugu. Honako hauek dira hautagaiak:

 

LOS TONTOS Y LOS ESTÚPIDOS

Roberto Castón (ESPAINIA)

Roberto Castónen bigarren film luzea da; aurrekoa, Ander, Berlingo Panorama sailean lehiatu zen, 2009an. Mario, Paula, Miguel eta Lourdesen bideak gurutzatu egingo dira, gustuko ez duten bizitza bati irtenbidea bilatzen dioten bitartean (batzuek beste batzuek baino gehiago). Horrek dela bihotzari dela aldatzeko beldurrari jaramon eginda erabakiak hartzera behartuko ditu. Prozesu horretan, pelikulako zuzendariaren laguntza izango dute. Roberto Álamok jokatuko du rol hori.

rodaje8-m

 

LIMBO

Anna Sofie Hartmann (ALEMANIA)

Danimarkako herri txiki bat. Sara nerabearen eta iritsi berria den Karen irakaslearen artean, eguneroko bizitzako asmo lasaien eta proiektuen inguruko lotura bat sortuko da. Ausardiak etsipena ekarriko du, eta ezusteko gertaera bat jazotzean, Karen babesgabe geratuko da.

Limbo

 

UNE NOUVELLE AMIE / THE NEW GIRLFRIEND

François Ozon (FRANTZIA)

François Ozon zinemagilearen film berria (2012an Urrezko Maskorraren irabazlea). Bi emakumeren arteko istorioa kontatzen du, txikitako lagunak. Biak ezkondu egingo dira, eta batek haurtxo bat izango du. Handik denbora laburrera, amak gaixotasun larria izango du, eta lagunari agintaraziko dio haurra eta senarra zainduko dizkiola. Heriotzaren ostean, lagunak erabakiko du senarra eta haurra ikustera joatea. Baina sekulako ezustekoa hartuko du.

UNE-NOUVELLE-AMIE

 

LOVE IS STRANGE

Ira Sachs (AEB – Ameriketako Estatu Batuak )

Sundanceko eta Berlingo zinema-jaialdietan aurkeztu dute, John Lithgow, Alfred Molina eta Marisa Tomei protagonista dituela. New Yorken sexu bereko pertsonen arteko ezkontza legeztatzean, elkarrekin 39 urte daramatzaten Benek eta Georgek ezkontzea erabakiko dute. Handik gutxira, George musika irakasten duen ikastetxe katolikotik kaleratuko dute, inolako azalpenik eman gabe, eta pisua galduko dute. Banandu eta beste pertsona batzuekin bizi beharra izango dute.

amor

 

PASOLINI

Abel Ferrara (FRANTZIA- ITALIA – BELGIKA)

Pelikula oniriko eta igarlea da, errealitatearen eta irudimenaren arteko nahasketa. Abel Ferrarak Pier Paolo Pasoliniren bizitzako azken eguna berregin du. Bere ohiko kolaboratzaileak, Willem Dafoek, poeta eta zinemagile handiaren rola jokatzen du. Egun bat, bizitza bat. Erroman, 1975eko azaroaren 2ko gauean, Pier Paolo Pasolini hil egingo dute. Pasolini boterearen aurka borrokatzen den artearen ikurra da. Bere idazkiak eskandalagarriak dira, zentsoreek bere pelikulak jazartzen dituzte, pertsona askok maiteko dute, eta beste askok, gorrotatu. Bere heriotzaren egunean, azken orduak bere ama maitearekin emango ditu; ondoren, bere lagun maiteekin; eta azkenik, gauean, betiereko hirian abentura bila ibiliko da. Egunsentian, Pasolini hilda aurkituko dute Ostiako hondartza batean, hiriaren kanpoaldean. Veneziako zinema-jaialdiko lehiaketa ofizialerako aukeratu dute pelikula.

PASO_05-06_03

 

 

FELICE CHI È DIVERSO / HAPPY TO BE DIFFERENT

Gianni Amelio  (ITALIA)

Gianni Ameliok Berlingo zinema-jaialdiko Panorama sailean aurkeztu zuen zoriontasunaren eta berdintasunaren aldeko mende bateko borrokaren inguruko ikuspegi hunkigarri hau; oraindik aurrera jarraitzen duen borroka baten ingurukoa, hain zuzen. Fikzioa baino errealitatea aztertzea nahiago duen kamera batek azaldutako Italia ezkutatua, inoiz ezagutarazi gabekoa: gayen Italia, XX. mendean bizi izan zen bezala.

FELICE CHI È DIVERSO

 

PRAIA DO FUTURO / FUTURE BEACH

Karim Aïnouz (BRASIL – ALEMANIA)

Karim Aïnouzek zuzendutako maitasunezko istorio hau Berlingo zinema-jaialdiko Sail Ofizialean lehiatu zen. Donatok sorosle gisa lan egiten du, Praia do Futuro ikusgarria –eta aldi berean, arriskutsua– patruilatzen. Itsasora korronteak harrapatutako bi gizon salbatzera sartzean, Brasilen oporretan dagoen Konrad alemaniarra erreskatatzea lortuko du, baina haren bidaidea ito egingo da. Gorpua azalera ateratzearen zain dauden bitartean, Donatoren eta Konraden artean lotura estu bat sortuko da eta lehenengo sexu-kontuek lotura sakonago eta emozionalago bati bidea emango diote. Sebastiane Latinoa saria irabazi zuen.

B018_C034_032430

 

 

LEHIAKETATIK KANPO(EASTERN PROMISES)

Eastern Promises atzera begirako interesgarrian ikusi ahal izango ditugun hiru lan nabarmendu nahi ditugu. Sobietar Batasunaren eraginpean bizi izan ziren herrialdeetan 2000. urtetik hona ekoitzitako zinema bilduko du atzera begirakoak. Berlingo harresia erori zenetik, herrialde horiek aldaketa politiko, sozial eta kultural sakonak bizi izan dituzte. Horietako askotan, homosexualen kolektiboak askatasun «promesak» baino gehiago zapalkuntza eta intolerantzia jaso ditu. Horregatik, Sebastiane sarirako lehiaketatik kanpo, gai hau lantzen duten hiru pelikula gomendatzen ditugu:

 

FINE MRTVE DJEVOJKE / FINE DEAD GIRLS

Dalibor Matanic  (KROAZIA)  2002

Lesbiana bikote bat, bizilagun bitxi multzo batez inguratua: amesgaiztoak eragiten dizkion etxeko nagusia eta haren seme homofobo bortitza, abortuzale gaizto bat, astakilo koadrila bat… Thriller zitala eta gizarte kroaziarraren gaitzen lekukotza errukigabea da.

girls

 

KLASS / THE CLASS

Ilmar Raag  (ESTONIA)  2007

Institutu batean girotutako pelikulen Estoniako bertsioa: ikaskideek jazartzen duten mutil lotsati bat, ezusteko defendatzaile bat eta homofobia eta indarkeria kode oinarrizkoek bultzatutako tribu bat agertzen dira. Ilmar Raagen lehenengo filma Karlovy Vary eta Varsoviako zinema-jaialdietan saritua izan zen.

klass3

 

DUPA DEALURI / BEYOND THE HILLS (MÁS ALLÁ DE LAS COLINAS)

Cristian Mungiu  (ERRUMANIA– FRANTZIA– BELGIKA)  2012

Cristian Mungiuren film honek Cannesko Zinema Jaialdian gidoi onenaren eta emakumezko aktore onenaren sariak irabazi zituen eta gaur egungo intolerantziaren parabola beldurgarri eta klaustrofobikoa da. Muino artean galdutako komentu bat, bereari gogor eusten dion apaiz bat, exorzismo bat eta argitara irtendako barneko obsesioak agertzen dira.

 MV5BMjA4MTUzMjMyM15BMl5BanBnXkFtZTcwOTA2NzcwOQ@@._V1__SX1219_SY628_
 

Dorothy Arznerren inguruko atzera begirakoa ere gomendatzen dugu. Hollywoodeko urrezko garaiko lehenengo emakume zuzendaria izan zen. Lesbiana. Pertsonaia femeninoetan arreta berezia jarriz, sexuen araberako ohiko rolak eta emakumeek gizartean betetzen zuten funtzioa auzitan jartzen zuten pelikulen zuzendaria.

Proiektu honen helburua zinemak betetzen duen «leiho» funtzioaz eta Donostia Zinemaldi prestigiotsuak eskaintzen duen nazioarteko esparruaz baliatuz gizarte hobe bat sortzea da eta proiektu honetan 15 urtez eskuzabalki lan egin duten guztiei eskerrak ematen dizkiegu.

 
Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s